ورشة عمل اليوم الثانى

شلة مشهورة اوي في الكلية دايما بيقعدوا مع بعض ومشهورين من كتر علاقتهم ببعض، وبرغم ان الناس بتشوفهم اصحاب اوي فعلاً لكن هما بينهم وبين بعض مختلفين وأحياناً في خلافات طول الوقت علي مواقف كتير، في مره اتفقوا يخرجوا مع بعض في العيد . هناء اقترحت سينما هى بتحب دايما تكون بتتفرج علي حاجة مش بترتاح للكلام والرغي لكن ده بشكل متكرر اي وقت يا سينما يا تلفزيون يا التليفون وكمان هى متابعة جيدة للفيس بوك والانستجرام والتيكتوك و دايما ماشية بالشاحن والباقة علطول مشحونة . سعاد مش بتحب ابدا كدة الاحلي نكون في مكان وفي ناس ونتكلم مع بعض ويسلام لو في ناس جديدة او كل واحد جاب حد صاحبه بره الشلة لانها بتزهق بسرعه من نفس الناس والفكرة برضو ان الموضوع متكرر ولو استمر بنفس الصحاب تزهق وتشوف مجموعات تانية تتعرف وتصاحب والاكونت بتاعها وصل ٥ الاف صديق وياسلام لو المكان فيه اماكن حلوة نتصور فيها وتحط الصور على السوشيال ميديا ونعد بقى خدت كام لايك . عادل ميفرقش معاه مين موجود المهم مكان لذيذ طبعاً ميكونش بيمنع السجاير ويفضل دايما اماكن تقدم مشروبات كحول لان احنا في عيد وعايزين نتبسط واي مكان تاني هيبقي عادي لكن الشرب هيخلي كل حاجة لذيذة هو عارف كويس كل الانواع وطعم كل نوع وافكار ميكسات كمان . دنيا. بتحب تلبس الموضة واللبس الغريب حتى لو مش لايق عليها وكل يوم تدور فين عروض الزياء وتروح عليها على طول اخرهم جلال بيحب اكتر خروجات المطاعم هي دي السعادة بجد عنده قايمه بترشيحات فودد بلوجر لافضل الاماكن وعارف كل العروض وحافظ عنواين كل المطاعم ومعظم الويترز يعرفوه و يحب البواخر والنايت كلاب ووجود فقرات ورقاصة وبنات بترقص دي امتع حاجة بالنسباله لانها بتنشر الفرحة المهم في الاخر انهم متفقوش علي خروجة واحدة واتفشكلت وكل واحد راح لحاله بدون ميخرجوا واليوم باظ